ყურძნის წიპწის ფხვნილი

ყურძნის ღვინოდ და  წვენის სახით    სამრეწველო  გადამუშავებისას, დიდი რაოდენობით მეორადი პროდუქტი რჩება, რომელიც გადამუშავებული ყურძნის მოცულობის (10-დან 20)% -ს შეადგენს.

ეს მეორადი პროდუქტებია- ყურძნის   წიპწები და  ყურძნის კანი, რომლებიც  წარმოადგენს  ბიოლოგიურად აქტიური ნივთიერებების წყაროს: როგორებიცაა ვიტამინები, მაკრო და მიკროელემენტები, ფენოლური ნაერთები, მცენარეული ბოჭკოვანი ნივთიერებები, ორგანული მჟავები, შეუცვლელი  ამინომჟავები და  ნახევრადუჯერი ცხიმოვანი მჟავები,  საკვები ბოჭკო,   და  მღებავი  ნივთიერებები.

ყურძნის  წიპწებიდან   პირველი ცივი  გამოწნეხვის  შედეგად მიიღება   უმაღლესი ხარისხის ყურძნის  წიპწის ზეთი.   

ყურძნის წიპწებიდან ზეთის გამოწურვის  შემდეგ დარჩენილი მეორადი პროდუქტი -ზეთგამოცლილი  ყურძნის  წიპწები  გამოიყენება  ყურძნის წიპწის ფხვნილის დასამზადებლად.

ყურძნის წიპწები  ნაზად იხალება არა უმეტეს 60 ° C ტემპერატურაზე. ამ დროს  წიპწის მარცვლები  განცალკებებულ  მდგომარეობაშია, რაც საშუალებას იძლევა  მინარევებისაგან  მის  საფუძვლიან გაწმინდას.

გამონაწნეხი  ყურძნის  წიპწების  მყარი  გრანულები   შემდეგ მუშავდება  კბილებიან დამაქუცმაცებელ  ლილვებს შორის,   ხოლო წვრილი ფრაქციის მისაღებად კი  იფქვება წისქვილზე და  შედეგად მიიღება წვრილდისპერსიული ფრაქციის   ყურძნის  წიპწის ( ფხვნილი) ფქვილი, რომელშიც   ცხიმის შემცველობა   ( 8-9) % ია  და  უფრო დაბალიც.

დღეისათვის ყურძნის წიპწის  ფქვილი   დამზადებულია საქართველოში ეკოლოგიურად  სუფთა უნიკალურ ბუნებრივ ადგილზე -ქართული  მეღვინეობის  გულში-  კახეთში მოყვანილი,,რქაწითელის,, ჯიშის  ყურძნისაგან.